Writer skjárinn
Úr OpenOffice.is
Stöðulínan
Stöðulínan í Writer gefur manni upplýsingar um skjalið sem maður er að vinna í og auðveldar aðferðir til að breyta ýmsu í sambandi við skjalið. Frá vinstri til hægri eru atriðin þessi.
- Síðunúmer
- Sýnir númer þeirrar blaðsíðu sem verið er að vinna á, raðnúmer hennar (ef það er annað) og fjölda síðna í skjalinu. Til dæmis, ef maður byrjaði að númera síður upp á nýtt á þriðju blaðsíðu, þá væri sú síða númer 1, en raðnúmer hennar væri 3.
- Hægt er að stökkva beint á bókamerki í skjalinu með því að hægri-smella á þetta atriði, en þá opnast listi yfir öll bókamerki í skjalinu og maður smellir á það sem maður vill fara á.
- Til að stökkva á ákveðna síðu í skjalinu getur maður tvísmellt á þetta atriði. Þá opnast Lóðsinn. Þar getur maður smellt í Page Number reitinn og ritað númer þeirrar síðu sem maður vill fara á.
- Síðustíll
- Sýnir hvaða stíl er verið að nota á síðuna. Til að skipta um síðustíl er hægri-smellt á þetta atriði. Þá opnast listi yfir síðustíla og hægt er að velja nýjan stíl með því að smella á hann.
- Til að breyta síðustíl, þá er hægt að tvísmella á þetta atriði. Þá opnast talgluggi fyrir síðustíla.
- Tungumál
- Sýnir tungumál þess texta sem valinn er.
- Ef smellt er á þetta atriði, þá opnast gluggi sem býður upp á að velja annað tungumál fyrir textann eða fyrir efnisgreinina sem bendillinn er staddur í. Það er einnig hægt að velja None til að textinn verði ekki tekinn með í yfirlestri eða More til að opna talglugga með aðgerðum fyrir stök tákn og texta.
- Ritunarhamur
- Ef smellt er hér, þá velur maður á milli innskrifunar og yfirskrifunar þegar maður ritar inn texta.
- Valhamur
- Smelltu hér til að velja á milli venjulegrar val aðferðar (STD), aukinnar val aðferðar (EXT), uppsöfnunarvals (ADD) og kassavals (BLK). Þessar val aðferðir verða ræddar í kaflanum „Unnið með texta“ á blaðsíðu 31.
- Vistun
- Ef hér er sýnd stjarna, þá hefur skjalið ekki verið vistað frá því síðustu breytingar voru gerðar á því. Stjarnan hverfur þegar skjalið er vistað.
- Stafræn undirskrift
- Ef stafræn undirskrift hefur verið sett í skjalið, þá kemur táknmynd hér
sem sýnir það. Hægt er að tvísmella á táknmyndina til að skoða heimildina.
- Svæðis- og hlutaupplýsingar
- Þegar bendillinn er staddur á sérsniðnu svæði eða hlut (eins og mynd), þá koma hér upplýsingar um þetta svæði eða hlut.
- Uppröðun við skoðun
- Ef smellt er á einhvern þessara hnappa, þá raðast síðurnar í skjalinu upp á mismunandi hátt á skjánum, sem stakar síður, hlið við hlið eða eins og í bók (mynd 2).
- Súmm
- Til að breyta stærðinni á skjalinu á skjánum er hægt að nota sleðann til að stækka eða minnka það að vild, smella á + og – hnappana, eða smella á raufina á sleðanum. Einnig er hægt að hægri-smella á prósentutöluna og velja úr litlum lista þá stækkun sem maður vill, eða tvísmella á hana og velja af talglugga þá stærð sem maður vill sjá.
Skjal skoðað
Í Writer er hægt að skoða skjal á nokkra vegu: í Prentútliti, Vefútliti og á Fullum skjá. Til að velja þessar aðferðir er smellt á View á valstikunni og rétt útlit valið. (Þegar maður velur Fullan skjá, þá er hægt að fara til baka í Prentútlit eða Vefútlit með því að ýta á Esc lykilinn á lyklaborðinu.)
Einnig er hægt að velja View > Zoom af valstikunni til að sjá Zoom & View Layout talgluggann. Þar er hægt að stilla sömu valatriði og á stöðulínunni. Við Vefútlit eru flest atriðin í þessum talglugga þó óvirk.
Stokkið hratt í gegnum skjal
Auk þeirra aðferða sem áður er lýst til að færa sig um skjal, þá er einnig hægt að nota Lóðsinn, sem fjallað var um á blaðsíðu 21.
Smelltu á það tól sem þú vilt nota, Nú færa Fyrra og Næsta hnapparnir (bæði á hnappastikunni sjálfri og á skrunröndinni) mann fljótt á fyrra eða næsta atriði sem valið er. Þetta er mjög gagnlegt ef maður vill finna atriði eins og atriðisorð, sem erfitt er að sjá í textanum. Nöfn tólanna sjást í upplýsingaröndinni neðst á stikunni og breytast þegar tól eru valin, t.d. Next Graphic, Next Bookmark, eða Continue search forward.
