Verkefni 3: Hitastig
Úr OpenOffice.is
Í þessari æfingu lærir þú að:
- Breikka dálka
- Setja formúlu inn í reit
- Nota Fallálfinn
- Hækka línur
- Velja marga dálka í einu
1.Sæktu skjalið 03Hitastig.ods og vistaðu það á þínu svæði.
2.Gefðu síðu eitt heitið Hitastig.
3.Næst áttu að breikka Dálka A, B, C og D. Settu dálkana A, B, C og D í blokk með því að smella á bókstafinn A, halda inni Shift lyklinum og smella síðan á bókstafinn D. Síðan skaltu hægri smella á A og velja Column Width úr fellivalslistanum sem birtist. Þar skaltu setja inn 3 cm.
4.Bættu inn línu milli línu 1 og 2. Til að setja inn línu skaltu hægrismella á línu 2 og velja Insert Rows í fellivalmyndinni
5.Skrifaðu eftirfarandi fyrirsagnir í reiti A2, B2, C2 og D2 eins og sýnt er og hafðu þær í 10 punkta letri og feitletraðar 
6.Fjölmiðjaðu fyrirsögnina Hitastig í nokkrum borgum í A1 til D1. Feitletraðu og stækkaðu í 12 punkta.
7.Hækkaðu línu 1 í 1,5 cm og miðjaðu fyrirsögnina. Til að gera þetta skaltu hægri smella á línunúmerið á línu 1. (töluna 1 við hliðina á reitnum A1) og velja Row height. Þá færðu upp glugga þar sem þú getur ráðið hæðinni á línunni. Breyttu henni í 1,5 cm.
8.Settu formúluna =B3-C3 
inn í reit D3. Hún reiknar út mismuninn á hitastigi á miðnætti og hádegi á hverjum stað. Afritaðu síðan formúluna niður í reit D6 með því að tvísmella á fyllihnúðinn. 
9.Notaðu Fallálfinn til að finna minnsta hita á hádegi á hverjum stað og afritaðu síðan formúluna yfir í reit C7.
Til að kalla fram Fallálfinn geturðu annaðhvort smellt á 
eða á Ctrl + F2 á lyklaborðinu. Þá færðu upp glugga þar sem þú getur valið föllin sem þú vilt nota.
Undir Functions flipanum skaltu finna fall sem heitir MIN og smella á Next. Þá ferðu yfir á næsta stig sem er að velja þá reiti sem formúlan á að vinna með sem í þessu tilfelli eru reitir B3 til B6. Þú skalt skrifa B3:B6 inn í gluggann sem heitir number 1. 
Síðan skaltu smella á Ok.
10.Til að afrita þessa formúlu yfir í D7 skaltu smella á fyllihnúðinn og draga hann yfir í D-dálkinn. 
11.Notaðu Fallálfinn aftur til að finna mesta hita(MAX) á hádegi á hverjum stað í reit B8 og afritaðu síðan formúluna yfir í reit D8.
12.Þegar þú ert búin að þessa skaltu skoða skjalið í prentskoðun
13.Vistaðu skjalið og skilaðu því.
