Verkefni 1: Stutt saga OpenOffice.org
Úr OpenOffice.is
Í þessari æfingu gerir þú eftirfarandi:
- Opnar skjal
- Stillir spássíur og blaðsíðustærð
- Breytir stafagerð og stærð
- Fulljafnar og miðjar texta
- Feitletrar, skáletrar og undirstrikar orð
- Setur haus og fót með blaðsíðutali
Stutt saga OpenOffice.org
1. Opnaðu skjalið 01verk og vistaðu það með sama nafni inn á þitt svæði. Mundu að vista reglulega meðan verkefnið er unnið.
2. Opnaðu Format > Page > Page og stilltu spássíur (Margins) og blaðsíðustærð (Page Size) eins og myndin sýnir.
3. Veldu allt skjalið með CTRL+A. Breyttu stafagerðinni í Arial, 12pt og fulljafnaðu textann með 
hnappnum
4. Bættu við tveimur línum fremst í skjalið með því að setja bendilinn fremst í fyrstu línu (CTRL+Home) og ýta tvisvar á Enter hnappinn.
5. Skrifaðu inn fyrirsögnina „Stutt saga OpenOffice.org“. Miðjaðu hana með 
hnappnum. Breyttu stafagerðinni í Impact, 20pt.
6. Feitletraðu millifyrirsagnir með 
hnappnum eða með CTRL+B.
7. Feitletraðu , skáletraðu 
og undirstrikaðu 
texta eins og á fyrirmyndinni.
8. Settu haus í skjalið með því að fara í Insert > Header > Default. Þá birtist reitur fyrir haus efst á síðunni. Sláðu inn nafnið þitt í þennan reit og ýttu svo tvisvar á dálklykilinn 
og sláðu inn nafn skólans.
9. Breyttu stafagerð haussins í Arial.
10. Settu fót í skjalið með því að fara í Insert > Footer > Default. Nú kemur reitur neðst á síðuna. Skrifaðu „Blaðsíða“ og miðjaðu með miðjunarhnappnum . Hafðu bendilinn fyrir aftan orðið „Blaðsíða“ og farðu í Insert > Fields > Page Number. Þá kemur blaðsíðutal fyrir aftan orðið. Breyttu stafagerðinni í Arial.
 | Haus og fótur kemur á allar síður. Þú getur prófað það með því að bæta við síðu í skjalið. Settu bendilinn aftast í textann og ýttu á CTRL+ENTER. Þá verður til ný síða. Hún er með sama haus og fyrri síðan og er með blaðsíðutal neðst (Síða 2). |
| Táknin sem sjást á fyrirmyndinni eru falin tákn sem sjást almennt ekki. Hægt er að gera þau sýnileg með  hnappnum.
¶-Táknið þýðir að hér endar efnisgrein eða ýtt hefur verið á Enter-hnappinn. Örvarnar þýða að ýtt hefur verið á TAB hnappinn og punktar koma þar sem ýtt hefur verið á bilslána. Þessi tákn koma ekki fram í prentun. |
