Verkefni 14: Miðaldir
Úr OpenOffice.is
ÞESSI SÍÐA ER Í VINNSLU
Í þessari æfingu gerir þú eftirfarandi:
- Setur mismunandi stílsnið á texta í ritgerð
- Setur neðanmálsgreinar inn í ritgerð
- Setur inn myndir
- Setur texta við myndir
- Setur efnisyfirlit inn í ritgerð
- Setur fót með blaðsíðutali
Miðaldir
1. Sæktu skjalið 14verk og vistaðu það á þínu svæði.
2. Byrjaðu á því að setja stílsniðið Text body á allan texta. Þú ýtir á Ctrl+A til að velja allan textann Síðan getur þú valið stílinn Text body í fellilistanum á Formatting stikunni og þá breytist textinn.
3. Í þessu skjali eru margar neðanmálsgreinar. Búið er að setja u.þ.b. helming þeirra á sína staði, en enn er eftir að setja átta þeirra inn. Þú finnur texta neðanmálsgreinanna aftast í vinnuskjalinu. Settu neðanmálsgreinarnar inn eina í einu með því að afrita þær aftast í verkefninu og setja þær inn á réttan stað. Staðsetning neðanmálsgreinann er merkt með rauðu xxx og númeri í textanum, notaðu Edit > Find (CTRL+F) til að finna xxx í textanum, eyddu burt xxx og númerinu og settu rétt inn neðanmálsgrein. Athugaðu að neðanmálsgreinarnar raðast rétt inn. Ef þú setur nýja grein á milli tveggja annarra, þá breytist númerun þeirra sem á eftir koma sjálfkrafa.
 | Ef textinn er límdur beint í neðanmálsgreinina með Edit > Paste (CTRL+V), þá ruglast útlitið á henni. Til að koma í veg fyrir það, þá veljum við Edit > Paste Special (CTRL+Shift+V) og smellum á Unformatted text og síðan OK. Þá tekur textinn á sig það stílsnið sem fyrir er. |
4. Settu stílinn Heading 1 á fyrirsagnir og Heading 2 á undirfyrirsagnir.
Á myndinni hér fyrir neðan getur þú séð hverjar fyrirsagnirnar eru. Inndregnu línurnar á myndinni eru Heading 2 en hinar Heading 1. (Ekki búa til þennan inndrátt)
5. Vertu með bendilinn í einhverri fyrirsögninni og veldu Format > Bullets and Numbering, farðu í Outline flipann og veldu þriðja útlitið í neðri röðinni. Nú ættu fyrirsagnirnar að númerast með 1,2,3 og undir fyrirsagnirnar á fá undirnúmer 1.1, 1.2
6. Næst skaltu setja inn myndir á réttan stað eins og sýnt er á fyrirmyndinni. Myndirnar eru allar listaðar neðst á þessari síðu og þú ættir að sækja þær allar núna og vista þær á svæðið þitt. Til að setja myndir í textann skaltu setja ritbendilinn á þann stað sem þú vilt hafa myndina nokkurn veginn og síðan smella á Insert > Picture > From File. Lagaðu til stærð og legu myndanna og stilltu hvernig textinn flæðir kringum þær.
Hafðu 0,5cm bil hægra og vinstra megin við myndirnar og 0,2cm fyrir ofan og neðan.
| Þú getur þurft að laga til blaðsíðuskilin um leið til að koma myndum á réttan stað. |
7. Til að setja inn texta með myndunum skaltu hægri smella á myndina og velja Caption. Þá færðu upp glugga þar sem þú getur sett inn textann og síðan breytt ýmislegu í sambandi við hann eins og til dæmis númerun, staðsetningu og svo framvegis (þú finnur myndatextana aftast í vinnuskjalinu). Smelltu á litlu örina á Category listanum og veldu <None> til að myndirnar verði ekki númeraðar. Gerðu þetta við allar myndirnar í þessu skjali.
8. Lagaðu útlit myndatextanna þannig að þú ferð með bendilinn inn í einhvern myndatextann þá sérðu í stílalistanum að hún hefur stílinn Caption. Breyttu þessum stíl þannig að stærðin sé 10pt og hann sé miðjaður. Annað óbreytt.
9. Næst skaltu búa til forsíðu. Ýttu á Ctrl+Home til að fara á upphafsstað á textanum og ýttu á Ctrl+Enter til að búa til nýja síðu. Þar sem fyrsta línan í skjalinu er Heading 1 þá færist sá stíll á efnisgreinina sem er á nýju síðunni. Það sem þarf að gera er að breyta stílnum í Text Body á þessari línu á nýju síðunni. Gerðu forsíðuna svipaða þeirri sem sem sýnd var í verkefni 13, en gefðu henni heitið „Frá miðöldum til endurreisnar“.
10. Farðu neðst á forsíðuna og búðu til nýja síðu.
11. Til að setja inn efnisyfirlit skaltu setja ritbendilinn á nýju síðuna og velja Insert > Indexes and Tables > Indexes and Tables. Þar ritarðu Efnisyfirlit sem titil og smellir á Ok.
12. Það á að koma fótur með blaðsíðutali í ritgerðina. Þessi fótur á að koma á allar síður nema forsíðuna. Til að þetta sé mögulegt þarf að segja forritinu að það sé forsíða í skjalinu. Það gerir þú með því að vera á forsíðunni með bendilinn og fara í síðustíla (Page Styles) í stílaglugganum (Sjá mynd) og tvísmella á stílinn Fyrst Page. Núna skaltu setja inn fót með blaðsíðutali á ritgerðina. Insert > Footer >default. Þá kemur bara fótur á síður með sem hafa síðustílinn Default, þ.e. allar síður nema forsíðuna.
13. Hafðu Heimildirnar á sér síðu með því að setja blaðsíðuskil fyrir framan fyrirsögnina.
14. Nú er efnisyfirlitið líklega ekki rétt þar sem Heimildirnar hafa færst yfir á nýja síðu. Lagaðu þetta með því að hægrismella á efnisyfirlitið og velja Update Index/table.
15. Lagaðu útlit heimildanna þannig að nöfn bókanna sem vísað er í séu skáletruð. Dragðu allar heimildirnar inn um 1,5 cm frá vinstri.
16. Þegar þú ert búinn að öllu þessu skaltu smella á forskoðunarhnappinn í verkfærastikunni og skoða ritgerðina vel og vandlega áður en þú vistar og lokar. Á fyrirmyndinn hér að aftan er forsíðunni sleppt (til að spara pláss).
Myndir:
