Sýnishorn línurita
Úr OpenOffice.is
Það er mikilvægt að átta sig á að þrátt fyrir að hægt sé að setja gögnin fram á margvíslegan hátt með myndritum þá verður að velja myndrit sem er best lýsandi fyrir gögnin sem við erum að setja fram. Útlit myndritsins hefur þónokkuð að segja en passa verður að skreytingar og útflúr skyggi ekki á framsetningu myndritsins.
Hér á eftir eru nokkur dæmi um myndrit.
Efnisyfirlit |
Súlurit
Súlurit er algengt að nota til að sýna breytingu milli tímabila. Þau henta best þar sem punktarnir eru fáir. Súlurit eru sjálfgefin gerð í Calc, enda eru þau lang mest notuð og auðveldast að átta sig á þeim.
Lárétt súlurit
Lárétt súlurit henta til að bera saman fáa hluti, þó helst ekki í tímaröð. Þá er betra að hafa súlurnar lóðréttar.
Fyrsta myndritið er sett inn með myndritaálfinum og svo er valið Insert > Grids, og línurnar teknar af y-ás og svo valið Insert > Mean Value Lines.
Myndrit tvö er þrívíða útgáfan með einföldum ramma og búið að snúa því aðeins.
Þriðja myndritið er tilraun til að losna við skýringarreitina og setja í staðin texta við hlið súlnanna og búið er að fikta í útliti og litum súlnanna líka.
Kökurit
Kökurit henta best til að bera saman hlutföll þar sem heil kaka er alltaf 100%. Kökur henta þó ekki til að bera saman mjög margar tölur, hámark 6-10.
Fyrsta myndritið er tvívíð útgáfa og búið að fara í Insert > Legend og taka skýringartextann í burtu. Einnig búið að fara í Insert > Data Labels og velja Show value as number (Sýna gildi sem tölur). Búið er að draga eina sneið út úr myndritinu til að leggja áherslu á þann hluta. Þetta er gert með því að tvísmella á myndritið til að velja það, smella á kökuna og smella svo á sneiðina sem á að færa og draga hana út.
Myndrit 2 er þrívítt kökurit með skuggum og lýsingu. Þetta er gert með því að setja inn 3D pie chart með álfinum og fara svo í Format > 3D view > Illumination Þar er hægt að breyta lýsingunni og litnum á ljósinu. Í þesssum glugga er líka hægt að breyta snúningi kökunnar, í Perspective flipanum.
Ef þú vilt draga eina sneið út úr kökunni gerir þú það með því að smella á hana, þá kemur á endanum rammi utan um sneiðina og hægt að draga hana út.
Númer þrjú er þrívíð kaka og búið að gera Insert > Data labels > Show value as percentage (sýna gildi sem hlutfall). Búið er að breyta útliti sneiðana með því að velja þær þannig að rammi komi utan um sneiðina sem á að breyta, hægri smella og velja Object properties og fara þar í Area flipann. Á eina sneið hefur verið sett punktamynd (bit-map), á aðra hefur verið sett litaröstun og ein hefur verið gerð 50% gagnsæ í Transparency flipanum.
Kleinuhringarit
Ef þú vilt skoða hlutfall en vilt samt hafa fleiri en eina röð af tölum þá þarftu annað hvort að nota mörg kökurit eða gera kleinuhringarit. Það er samt ekki gott að nota meira en tvær til þrjár raðir. Stillingar fyrir kleinuhringarit eru eins og fyrir kökurit.
Flatarrit.
Flatarrit er útfærsla af línuriti. Þau nýtast til að skoða breytingu. En þau eru varhugaverð og erfið í notkun.
Eins og sjá má á mynd 4 þá eru myndritin erfið í notkun. Gott er að nota gegnsæismöguleikann með flatarritum. Á myndriti eitt má sjá að hluti gagnana týnast á bakvið. Þá er myndritið á mynd 2 skárra, þar er búið að gera svæðin 50% gagnsæ. Myndrit 3 er þrívíddarútgáfan af flatarritinu. Búið að gera 50% gagnsætt.
Önnur leið til að nota flatarrit er að stafla gögnunum, þá lenda svæðin ekki á bakvið heldur bætast svæðin ofan á hvert annað, þannig að við sjáum ekki breytingu heldur heildartölu, líkara því sem kökuritið sýnir okkur.
Það er líka hægt að gera prósentustafla þá staflast svæðin eftir hlutfalli þar sem tölurnar lagðar saman eru 100%.
Línurit
Línurit eru góð þegar um mikil gögn er að ræða eða þegar við viljum sýna stefnu yfir tímabil. Hægt er að gera ýmsar breytingar á línuritum og þau geta verið þrívíð, en almennt er ekki mælt með þrívíðum línuritum þar sem þau vilja gjarnan verða ruglingsleg.
Scatter, XY rit
XY-rit eru notuð til að bera saman tvær raðir af gögnum, önnur röðin er á x-ás og hin er y-ás. Scatter-rit koma að gagni þegar maður þarf að meta sjónrænt gögn sem manni hefur ekki unnist tími til að rýna í og þau eru hugsanlega besti kosturinn þegar maður er með fast gildi sem meta þarf gögn út frá, eins og til dæmis veðurgögn, viðbrögð við mismunandi sýrustigi, aðstæður miða við hæð eða önnur gögn þar sem borin eru saman tvö sett af tölulegum gögnum.
Netrit
Netrit eru svipuð polar og radar ritum. Þau eru notuð til að bera saman gögn sem eru ekki í röð.
Verðbréfarit
Verðbréfarit eru hugsuð sérstaklega til að greina gögn tengd verðbréfaviðskiptum.
Línu- og súlurit
Hægt er að blanda saman línu og súluritum. Þetta getur nýst ef við viljum setja fram gögn sem tengjast en ekki hentar að setja þau fram á sama formi. Sem dæmi er myndritið á mynd 10. Þar sýna súlurnar sölutölur tveggja fyrirtækja og línurnar sýna hagnað á sama tímabili hjá þessum fyrirtækjum.
