Síður formaðar

Úr OpenOffice.is

Writer gefur nokkra möguleika á því að stjórna umbroti blaðsíðna:

• Síðustílar
• Dálkar
• Rammar
• Töflur
• Hlutar

Ráð
Umbrot er yfirleitt auðveldara ef textasvæði, hlutir, töflur og hlutaskil eru
látin sjást með því að velja Tools > Options > OpenOffice.org > Appearance, og
með því að sýna efnisgreinaskil, dálksetningar, skil og annað með Tools > Options
> OpenOffice.org Writer > Formatting Aids.

Efnisyfirlit 1 Hvaða umbrotsaðferð á að velja? 2 Hausar og fætur búin til 3 Númerun blaðsíðna 3.1 Fjöldi síðna hafður með 3.2 Númeraröðun endurræst 3.2.1 Aðferð 1: 3.2.2 Aðferð 2: 4 Spássíum breytt

Hvaða umbrotsaðferð á að velja?

Besta aðferðin fer eftir því hvernig skjalið á að líta út í lokin og hvers konar upplýsingar eru í skjalinu. Hér eru nokkur dæmi.

Ef um er að ræða bók svipaða þessari handbók, þar sem notaður er einn dálkur af texta með myndum þar sem enginn texti er við hliðina á þeim ásamt öðrum með skýringartexta, þá er hægt að nota síðustíl fyrir grunn uppsetninguna og töflur til að setja myndir við hliðina á lýsandi texta þar sem það á við.
Í efnisyfirliti eða annars konar skjali með tveim textadálkum þar sem textinn úr vinstri dálknum heldur áfram í þeim hægri og síðan yfir á næstu síðu, allt í röð (einnig þekkt sem „dagblaðadálkar“), þá er gott að nota síðustíl með tveim dálkum. Ef titill skjalsins (á fremstu síðunni) á að vera eindálka yfir alla síðuna, þá er hægt að setja inn eindálka skjalhluta.
Í fréttabréfi með flókið umbrot, tvo eða þrjá dálka á síðu og greinar sem halda áfram nokkrum síðum seinna er gott að nota síðustíl í grunninn. Greinar væru síðan settar í tengda ramma og myndir festar á tiltekna staði á síðunni, ef þarf.
Í skjali með orðalistum og þýðingum sem eiga að raðast hlið við hlið er best að nota töflu svo allt standist á. Þannig er síðan hægt að rita í báða „dálkana“.

Hausar og fætur búin til

Haus er svæði sem finna má efst á síðu. Fótur, hins vegar, er samsvarandi svæði neðst á síðunni. Upplýsingar eins og blaðsíðutöl í haus eða fót koma þá fram á öllum síðum skjalsins sem hafa sama síðustíl.

Til að setja inn haus er valið Insert > Header > Default (eða síðustíllinn ef ekki á að nota sjálfgefið) eins og sýnt er á mynd 1.

Aðrar upplýsingar eins og titill skjalsins og kaflaheiti eru oft sett í haus eða fót. Best er að setja þessa hluti sem svið (field) Þá lagast hausar og fætur sjálfkrafa ef einhverju er breytt. Hér er eitt algengt dæmi.

Til að setja titil skjalsins í haus:

1. Veldu File > Properties > Description og ritaðu titil fyrir skjalið þitt.
2. Settu inn haus (Insert > Header > Default).
3. Setti bendilinn í það svæði skjalsins sem hausinn afmarkar.
4. Veldu Insert > Fields > Title. Nú ætti tilillinn að sjást á gráum bakgrunni (sem prentast ekki með þegar skjalið er prentað og það er hægt að slökkva á honum).
5. Til að breyta titlinum fyrir allt skjalið velur þú aftur File > Properties > Description.

Númerun blaðsíðna

Til að númera blaðsíður sjálfvirkt:

1. Búðu til haus eða fót eins og lýst er hér að ofan.
2. Settu bendilinn í hausinn eða fótinn þar sem þú vilt fá blaðsíðunúmerið og veldu Insert > Fields > Page Number.

Fjöldi síðna hafður með

Til að sýna heildarfjölda síðna (eins og t.d. „Blaðsíða 1 af 12“):

1. Ritaðu orðið „Blaðsíða“ og bil og settu síðan síðunúmerið inn eins og áður er lýst.
2. Gerðu eitt bil og ritaðu orðið „af“ og bil og veldu síðan Insert > Fields > Page Count.

Athugaðu
Síðuteljarinn setur inn heildarfjölda blaðsíðna í skjalinu eins og hann kemur
fram í eigindaskrá skjalsins (File > Properties). Ef þú endurræsir númeraröðina,
þá er heildarfjöldi síðna ekki endilega það sem þú vilt fá.

Númeraröðun endurræst

Stundum vill maður hefja númerun á nýtt á 1, t.d. á síðunni næst á eftir titilsíðunni eða efnisyfirlitinu. Sum skjöl hafa einnig sérstaka númerun s.s. rómverkar tölur, á fremsta hlutanum (eins og efnisyfirlitinu) en arabískar tölur sem byrja á 1 á skjalinu sjálfu.

Hægt er að endurræsa númeraröðina á tvo vegu.

Aðferð 1:

1. Settu bendilinn í fyrstu efnisgrein á nýrri síðu.
2. Veldu Format > Paragraph.
3. Á Text Flow flipanum á talglugga efnisgreina velur þú Breaks.
4. Veldu Insert og síðan With Page Style og tilgreindu síðustílinn sem nota á.
5. Tilgreindu töluna sem byrja skal á og smelltu á OK.

Ráð
Aðferð 1 kemur sér líka vel ef tölusetja á fyrstu síðu í skjali með tölu sem er hærri
en 1.  Þú gætir t.d. verið að skrifa bók þar sem hver kafli er í sínu skjali.  Kafli 1
byrjar líklegast á síðu 1, en Kafli 2 gæti hins vegar byrjað á síðu 25, Kafli 3 á 51
og svo framvegis.

Aðferð 2:

1. Insert > Manual break.
2. Sjálfgefið er að Page break sé valið þegar maður setur inn skil með þessum talglugga (sjá mynd 2).
3. Veldu þann síðustíl sem þú vilt nota.
4. Hakaðu við Change page number.
5. Skilgreindu töluna sem byrja skal á og smelltu síðan á OK.

Spássíum breytt

Hægt er að breyta spássíum á tvo vegu:

• Með mælistikunum – fljótt og einfalt, en skortir fínstillingar.
• Með talglugga síðustíla – hægt að stilla spássíu upp á tvo aukastafi.

Athugaðu
Ef þú breytir spássíum með mælistikunum, þá hefur nýja mælistaðan áhrif á síðustílinn
og er sýnd í talglugga síðustíla næst þegar hann er opnaður.

Til að breyta spássíum með mælistikum:

1. Grái hlutinn á mælistikunum er spássían (sjá mynd 3). Settu músarbendilinn á skilin á milli gráa og hvíta svæðisins. Hann breytist í tvíhöfða ör.
2. Haltu niðri vinstra músarhnappi og dragðu músina til að færa spássíuna

Ráð
Litlu örvarnar á mælistikunni eru notaðar til að inndraga og hengja efnisgreinar. 
Þær eru oft á sama stað og spássían, svo þú þarft að passa þig á að færa ekki
þessi efnisgreinamerki þegar þú vilt færa spássíuna.  Settu bendilinn á milli
örvanna og, þegar hann breytist í tvíhöfða ör, þá getur þú fært spássíuna
(efnisgreinamerkin færast með henni).

Til að breyta spássíum með talgugga:

1. Hægri-smelltu einhvers staðar á síðuna og veldu Page af sprettivalinu.
2. Á Page flipa talgluggans ritar þú inn þá spássíu sem þú vilt hafa í Margins reitina.