Myndrit búin til

Úr OpenOffice.is

Til að sýna hvernig myndrit og gröf eru búin til, þá notum við gögnin í skjalinu á mynd 1.

Til að búa til myndrit eru gögnin valin. Þetta val þarf ekki endilega að vera ein samhangandi blokk eins og sýnt er á mynd 2. Það er líka hægt að nota staka reiti, eða reitasamstæður (dálka og raðir).

Nú þarf maður að opna myndritaálfinn og það er gert á annan af tveim vegum:

• Veldu Insert > Chart af valstikunni eins og sýnt er í mynd 3.
• Eða smelltu á táknmynd fyrir myndrit á aðal hnappastikunni (sjá mynd 4).

Hvor aðferðin sem notuð er, þá opnast núna myndritaálfur og dæmi um myndrit sést á töflublaðinu eins og sýnt er á mynd 134.

Mynd 1: Töluleg gögn til nota í dæmi um myndrit]]

Mynd 2:Gögn fyrir myndrit valin]]

Mynd 3: Myndrit búið til með valmynd]]

Mynd 4: Myndrit búið til frá hnappastiku]]

Ráð
Ef þú setur bendilinn einhvers staðar í gögnin án þess að velja þau, þá giskar
álfurinn sæmilega á hver gögnin eru.  Passaðu þig bara að titilinn á gögnunum
þínum sé ekki valinn.

Efnisyfirlit 1 Myndrit valið 2 Gagnasvæði og ásnöfnum breytt 3 Gagnaröð valin 4 Titlar, skýringar og línur

Myndrit valið

Myndritaálfurinn er nú kominn með myndrit byggt á gögnunum þínum. Þetta myndrit breytist eftir því vali sem þú framkvæmir í Myndritaálfinum.

Myndritaálfurinn hefur þrjá aðal hluta: lista yfir þrep sem þarf að fara í gegnum til að klára uppsetninguna, lista yfir gerðir myndrita og valkosti fyrir hverja þeirra. Í hverju þrepi er hægt að fara til baka og breyta.

Með Calc fylgja níu grunn myndrit með nokkrum valkostum fyrir hvert, þannig að í allt er hægt að velja um næstum 30 myndrit. Það eru mismunandi valkostir með hverju myndriti.

Fyrsta lag valkosta er hvort þú vilt nota tvívíða myndgerð og möguleikann á þrívídd í þeim myndritagerðum þar sem það er hægt (súlur, slár, kökur og svæði).

Á svæðinu Choose a chart type (sjá mynd 5), velur þú eina gerð með því að smella á táknmyndina fyrir hana. Forskoðunin uppfærist um leið og þú velur nýja gerð og þannig færðu mjög góða hugmynd um hvernig myndritið kemur til með að líta út.

Sá valkostur sem er virkur er sýndur með þykkan svartan ramma á glugganum. Við skulum halda okkur við súlurit og smellum því á Next hnappinn til að halda áfram.

Gagnasvæði og ásnöfnum breytt

Í öðru þrepi, Gagnasvæði, (sjá mynd 6), er hægt að stýra því hvaðan gögnin eru sótt og lagfæra villur sem upp kunna að hafa komið.

Á þessu þrepi er líka hægt að breyta því að myndritið taki gögnin eftir línum – frekar en dálkum. Þetta getur verið gagnlegt ef maður er að búa til köku eða kleinuhringi.

Að síðustu er hægt að velja hvort maður notar fyrstu línu eða fyrsta dálk sem nöfn á ásana á myndritinu.

Hægt er að staðfesta það sem maður hefur valið hingað til með því að smella á Finish hnappinn, eða smella á Next hnappinn til að gera fleiri breytingar á myndritinu.

Við smellum á Next hnappinn til að sjá hvað við getum gert við myndritið okkar á hinum síðum álfsins.

Gagnaröð valin

Á síðunni yfir gagnaraðir er hægt að fínstilla gögnin sem maður vill nota í myndritinu. Kannski hefur þú ákveðið að þú vilt ekki hafa með gögnin um kanóana. Ef svo er, þá er hægt að velja orðið Kanóar í Data Series reitnum og smella á Remove hnappinn. Hver nefnd gagnaröð hefur sitt svæði og sín eigin Y-gildi. Þetta er gagnlegt ef maður þarf að taka þau með eða fjarlægja.

Ráð
Hægt er að smella á Shrink hnappinn  við hliðina á Sviðinu (Range) fyrir
hverja gagnaröð til að vinna beint á töflublaðinu.  Þetta er gagnlegt, ef gögnin
eru stærri en það sem við erum með og Myndritaálfurinn er fyrir.

Önnur aðferð við að plotta ótengd svæði í töflunni er að velja fyrsta svæðið og síðan halda niðri CTRL lyklinum á lyklaborðinu og velja næsta svæði. Það er líka hægt að rita svæðin í textareitinn. Það verður að aðgreina dálkana með semíkommum. Þannig er hægt að plotta B3:B11 með G3:G11, með því að rita svæðið sem B3:B11;G3:G11.

Svæðin tvö sem verið er að velja verða að vera í aðskildum dálkum eða aðskildum línum. Annars gerir Calc ráð fyrir að þú sért að setja sömu gögnin inn aftur.

Smelltu á Next hnappinn til að laga titla, línur og skýringarnöfn.

Titlar, skýringar og línur

Nú er hægt að gefa myndritinu titil og, ef maður vill, undirtitil. Búðu til titil sem dregur athygli lesandans að tilgangi myndritsins: það sem þú vilt að hann sjái. Til dæmis væri betri titill fyrir þetta myndrit „Leiga á mótorum og bátum“.

Það gæti líka gert gagn að hafa skýringarnöfn fyrir x-ás og y-ás. Þannig gefur þú fólki upplýsingar um hlutföllin í myndritinu. Til dæmis, ef við setjum „Þúsund“ sem skýringu við y-ás, þá breytir það algerlega áhrifum myndritsins. Til að auðveldara sé að meta myndritið, þá er hægt að velja línur fyrir aftan súlurnar hvort sem er fyrir x-ás, y-ás eða báða. Hægt er að sleppa súlunöfnum eða hafa þau til vinstri, hægri, fyrir ofan eða neðan.

Til að klára myndritið er smellt á Finish hnappinn.