Lóðsinn notaður

Úr OpenOffice.is

Lóðsinn (Navigator) sýnir alla hluti sem skjal inniheldur, flokkaða saman. Til dæmis í Writer sjást fyrirsagnir (Headings), töflur (Tables), textarammar (Text frames), glósur (Notes), myndir (Graphics), bókamerki (Bookmarks) og annað (sjá mynd 1).

Í Calc sjást blöð (Sheets), svæðanöfn (Range Names), gagnasvæði (Database Ranges), myndir (Graphics), teiknihlutir (Drawing Objects) og annað. Í Impress og Draw sýnir hann glærur (Slides), myndir (Pictures) og annað. Til að sjá hvaða atriði eru undir hverjum flokki er nóg að smella á + merkið fyrir framan nafn flokksins.

Til að opna Lóðsinn er smellt á táknmynd hans á Standard hnappastikunni, eða ýtt á F5 lykilinn á lyklaborðinu, eða valið Edit > Navigator á valstikunni. Hægt er að dokka Lóðsinn á hvora hlið OOo gluggans sem er eða láta hann fljóta (sjá „Gluggar og hnappastikur dokkaðar og settar á flot“).

Til að fela listann yfir flokkana og sjá aðeins hnappastikuna efst er smellt á List Box On/Off hnappinn . Smelltu á þennan hnapp aftur til að sýna listann.

Lóðsinn gefur nokkra þægilega möguleika til að ferðast um skjal og finna atriði í því:

• Þegar atriði í flokki sjást, þá er nóg að tvísmella á eitthvert atriðið til að fara beint á það í skjalinu. Auðveldara er að finna atriði ef þeim er gefið nafn þegar þau eru búin til í stað þess að láta OOo gefa þeim sjálfgefin nöfn á borð við graphics1, graphics2, Table1, Table2, og svo framvegis – sem fylgir ekki endilega röð viðkomandi atriða í skjalinu. Ef þú vilt bara sjá innihaldið í einstökum flokki, þá er smellt á hann til að velja hann og síðan smellt á Content View hnappinn . Aðeins atriði í þessum flokki sjást þá í listanum þar til smellt er á hnappinn aftur.
• Smelltu á (annar hnappur frá vinstri í efri hnapparöð) til að sýna stýringarstikuna
  

  

  Mynd 2: Stýringarstikan
  (sjá mynd 2). Hér er hægt að velja einn flokkinn og nota svo Fyrri (Previous) og Næsti (Next) hnappana til að stökkva frá einu atriði á annað. Þetta er sérlega nytsamlegt til að finna bókamerki og atriði í orðalistum sem er erfitt að sjá. Nöfn hnappanna (sem sjást í vísbendingakassanum) breytast eftir því hvaða flokkur er valinn; til dæmis Next Graphic eða Next Bookmark.
• Til að stökkva á tiltekna blaðsíðu í skjali er númer hennar ritað í reitinn efst í Lóðsinum.

Nokkrar tilraunir með aðra hnappa sýna hvernig þeir virka. Nánari lýsingu á tilteknum atriðum er að finna í kaflanum um Writer.