Uppsetning LibreOffice

Úr OpenOffice.is
Stökkva á: flakk, leita
Ná í LibreOffice

Það er einfalt að setja upp LibreOffice, öll forritin koma saman í pakka sem hægt er að ná í ókeypis og án allra skuldbindinga á vef LibreOffice. LibreOffice er til í útgáfum fyrir öll helstu stýrikerfin, þar með talið Microsoft Windows© kerfin, Apple Macintosh©, Linux og fleiri. Hér fyrir neðan eru tenglar á síður þar sem farið er yfir uppsetningaferlið stig af stigi.

Eftir uppsetningu gæti þurft að stilla ýmis atriði varðandi persónuleg atriði, tungumál, vistun og fleira. Leiðbeiningar um ýmis slík atriði eru ennþá að flestu leyti þær sömu og fyrir OpenOffice.org, þær má finna til dæmis á síðunni Uppsetning_Openoffice.org.

Uppsetning LibreOffice

Notendur Microsoft Windows© og Apple Macintosh© stýrikerfanna ættu að ná sér í uppsetningarpakka sem tilheyrir útgáfu stýrikerfanna þeirra; niðurhalsvefur LibreOffice ætti að finna út hvaða stýrikerfi er í notkun hjá þeim og bjóða til niðurhals viðeigandi pakka. Hið sama gildir ekki um Linux notendur, þeir geta náð í nýjustu pakkana þarna, en hinsvegar er mælt með að þeir noti frekar pakkastjóra dreifingarinnar sinnar. Langflestar Linux-dreifingar koma með LibreOffice foruppsett.